កក្រើកពេញក្នុងទីតាំងមួយកន្លែង..! ទីតាំងល្បែងស៊ីសងបើកកណ្ដាលទីក្រុងអាចនឹងនាំឱ្យប៉ះពាល់សន្តិសុខនិងជីវភាពរស់នៅរបស់ពលរដ្ឋ សូមមន្ត្រីសមត្ថកិច្ចចុះបង្ក្រាប..!
រាជធានីភ្នំពេញ÷យោងតាមប្រភពបានផ្ដល់មកថាមានល្បែងជាច្រើនប្រភេទតាមប្រព័ន្ធអនឡាញដែលធ្វើឲ្យប្រជាពលរដ្ឋរស់នៅសង្កាត់ផ្សារកណ្តាល១ រាជធានីភ្នំពេញ បានកំពុងតែលួចលាក់បើកទទួលភ្ញៀវចូលលេងយ៉ាងកគ្រឹកកគ្រេងនៅក្នុងទីតាំងមួយ រីឯសមត្ថកិច្ចក្នុងមូលដ្ឋានបែរជាមិនដឹងទៅវិញ។
ប្រភពបានបញ្ជាក់បន្ថែមនៅថ្ងៃទី២០ ខែមករា ឆ្នាំ២០២៦ មកអង្គភាពអង្គភាពសារព័ត៌មានយើងដើម្បីជម្រាបដំណឹងគោរពជូនលោក ជា ខេមា អភិបាលនៃការអភិបាលខណ្ឌ លោក វរះសេនីយ៍ឯក ទៀង ច័ន្ទសារ អធិការនៃអធិការដ្ឋាននគរបាលខណ្ឌដូនពេញ សូមចុះអធិការកិច្ច ចាត់មន្ត្រីជំនាញ ចុះពិនិត្យ និងបង្ក្រាបទីតាំងខាងលើនេះផង ដើម្បីរក្សាសុខសុវត្ថិភាពជូនដល់ប្រជាពលរដ្ឋ ដែលរស់នៅក្បែរទីតាំងនោះ ជាពិសេសរក្សានៅពាក្យស្លោក ភូមិឃុំមានសុវត្ថិភាព គ្មានអំពើឆក់ ប្លន់និងករណីផ្សេងៗ ដែលប្រមុខរាជរដ្ឋាភិបាល ដាក់ឱ្យអនុវត្តន៏ ។
សូមជម្រាប និងរំលឹកឡើងវិញថាទីតាំងខាងលើនេះជាទីតាំងដែលធ្លាប់បានបិទកន្លងមកហើយទើបតែពេលនេះបានកំពុងបើកលេងជាធម្មតាឡើងវិញ ហើយលើកនេះគឺជាការជូនដំណឹងដល់អាជ្ញាធរក៏ដូចជាមន្ត្រីនគរបាលយុត្តិធម៌ខណ្ឌដូនពេញ ដើម្បីឲ្យបានជ្រាប និងធ្វើការទប់ស្កាត់ក៏ដូចជាវិធានការបង្ក្រាបឲ្យបានឆាប់រហ័សផងដែរ។
យោងកិច្ចប្រជុំនៅទីស្ដីការក្រសួងមហាផ្ទៃកាលពីរសៀលថ្ងៃទី៥ ខែធ្នូ ឆ្នាំ២០២៤ លោកឧបនាយករដ្ឋមន្ត្រី ស សុខា បានប្រាប់អភិបាលរាជធានី-ខេត្ត និងលោកស្នងការរាជធានី-ខេត្ត ឱ្យចាត់វិធានការរុះរើ និងហាមដាក់ផ្ទាំងបដាផ្សព្វផ្សាយល្បែងតាមដងផ្លូវ ទីសាធារណៈ លើកលែងបដាតាមកាស្របច្បាប់ លើសពីនេះ លោករដ្ឋមន្រ្តី ថែមទាំងបញ្ជាឱ្យស្រាវជ្រាវ បង្ក្រាបទីតាំងផ្ទះដែលបង្កលក្ខណៈឱ្យមានការលេងល្បែងតាមអនឡាញ ហើយធ្វើរបាយការណ៍ជូនអគ្គស្នងការដ្ឋាននគរបាលជាតិ និងរាយការណ៍បន្តទៅកាន់ថ្នាក់ដឹកនាំក្រសួងមហាផ្ទៃ។
សូមរំលឹកថា: កាលពីថ្ងៃ ទី១៨ ខែកុម្ភៈ ឆ្នាំ២០២៤ សម្តេចបវរធិបតី ហ៊ុន ម៉ាណែត បានដាក់បទបញ្ជាឲ្យអភិបាលទាំង២៥ ខេត្ត/ក្រុង/រាជធានី, តម្រូវឲ្យបង្រ្កាបទីតាំងបនល្បែងស៊ីសងតាមអនឡាញគ្រប់ប្រភេទ និងកន្លែងចែកចាយ នូវប្រភេទថ្នាំ ដែលមានសារធាតុញៀន ខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង។
សាធារណជនក៏ដូចជាអង្គការសង្គមស៊ីវិលនឹងមានជំនឿជឿជាក់ថាលោក ជា ខេមា អភិបាលនៃគណៈអភិបាលខណ្ឌ លោកវីរៈសេនីយ៍ឯក ទៀង ច័ន្ទសារ អធិការនៃអធិការដ្ឋាននគរបាលខណ្ឌដូនពេញនឹងចាត់វិធានការដើម្បីជៀសវាងមានការរិះគន់ពីសាធារណជនទូទៅ និងនាំឲ្យមានផលប៉ះពាល់ដល់សង្គមជាតិទាំងសន្តិសុខ សុវត្ថិភាព។)
អង្គការសង្គមស៊ីវិលក៏ដូចជាសាធារណជនទូទៅនៅតែមានជំនឿជឿជាក់លើអាជ្ញាធរ មន្ត្រីសមត្ថកិច្ចពាក់ព័ន្ធក្នុងសង្កាត់ផ្សារកណ្ទាលទី១ ខណ្ឌដូនពេញ រាជធានីភ្នំពេញ ក្នុងករណីនេះ សូមបង្ក្រាបល្បែងស៊ីសងនេះឲ្យខានតែបាន គឺប្រាកដណាស់ទីតាំងខាងលើនោះនឹងគ្មានដំណើរការឲ្យប្រជាពលរដ្ឋដែលជាអ្នកញៀនល្បែងស៊ីសងមិនអាចបន្តការលេងតទៅទៀតនោះទេ ហើយទទួលបានការកោតសរសើរបន្ថែមទៀត។
ប្រព័ន្ធផ្សព្វផ្សាយនៃបណ្ដាញសារព័ត៌មានរបស់យើងគ្រាន់តែជាកញ្ចក់ឆ្លុះបញ្ចាំងអំពីទិដ្ឋភាពពិតនៅក្នុងសង្គមកម្ពុជា និងបន្តរង់ចាំទទួលដំណឹងពីប្រភពពាក់ព័ន្ធទាំងឡាយណាដែលមានបំណងផ្ដល់ដំណឹងជូនមកដល់អង្គភាពសារព័ត៌មានរបស់យើងដើម្បីធ្វើការចេញផ្សាយជាបន្តបន្ទាប់តទៅទៀតក្នុងសកម្មភាពចូលរួមជាមួយនឹងកិច្ចការដឹកនាំរបស់រាជរដ្ឋាភិបាលកម្ពុជា សូមអរគុណ៕
អត្ថបទដោយ :ព្រះឥន្ទ្រ
